18 वर्षदेखि निरन्तर
समकालीन साहित्य
समकालीन साहित्य
“हेल्लो....! देउराली गाउँको पीसीओ हो?”
“हो, तपाईं को बोल्नुभएको?”
“म सहरबाट अजय, तपाईं नि?”
“अजय दाजु नमस्कार, म सविता.......।”
“के छ बहिनी गाउँतिर? सबैलाई आरामै त छ?”
“ठीकै छ दाजु, अनि त्यता नि?”
“यता त ठीकै छ, त्यहाँ पारि गाउँमा हिजो एउटा घटना घट्यो भन्ने सुनिन्छ नि, के भएको हो बहिनी?”
“हेल्लो....! के भन्नुभएको हो दाजु? आवाजै आएन।”
“त्यहाँ के त पारि गाउँमा ...........!”
“हेल्लो....! हेल्लो....! ..... आवाजै आएन!”
“बहिनी हाम्रा घरमा बा–आमालाई कस्तो छ?”
“सन्चै छ दाजु। छोराले फोन गरे भने औषधि पठाइदिन भन्नु भन्दै हुनुहुन्थ्यो। बेला बेलामा फोन गर्दै गर्नु रे।”
“ल ठीक छ, अनि गाउँमा शान्तिसुरक्षाको स्थिति कस्तो छ नि?”
“हेल्लो के भन्नुभएको दाजु? आवाजै बुझएन, राखेँ ल?”
एकैछिनपछि फोनमा टुइँटुइँ आवाज मात्र आयो........!