गजल

गजल कृष्ण थापा November 30, 2008, 11:50 am

---

यद्यपि प्रश्न यहाँ शेष छ, उस्तै उस्तै

संक्रमणको पीडामा देश छ, उस्तै उस्तै ।

वसन्त आयो भन्छन, "कोइलीको स्वरुपमा

कागको नौटंकी भेष छ", उस्तै उस्तै ।

सड़क भरी सहीदका रगत देख्दा धेरै रोए

रगत संगै खेल्नू फेरी आदेश छ, उस्तै उस्तै ?

विसंगति अन्योलपना घाऊ वर्ग संघर्षका

पाइलैपिच्छे हिजोजस्तै ठेस छ, उस्तै उस्तै ।

सामंती संरचना ढाल्यौं भन्थे -उनीहरु

खोतलेर हेर्नु यहाँ अवशेष छ, उस्तै उस्तै ।

लेखकका अन्य रचना पढ्न यहाँ क्लिक गर्नुहोस ।