18 वर्षदेखि निरन्तर
समकालीन साहित्य
समकालीन साहित्य
हरेक क्षण
आगोको ज्वाला निल्दै
मनभित्र गोलीका घाउहरु टाँस्दै
मायाको कोशेली दिएकै थिएँ ।
तर
वन डढेको देख्छन् सबैले
मन डढेको देख्दैनन् कसैले
तिम्रा ती शब्द वाण र व्यवहारका ज्वालाहरु
मेरो स्वच्छ र निश्चल मनमा झनै
क्यालिफोर्नियाको अग्निज्वाला बनेर दन्केको छ ।
अनि
आज म यो अग्नि घेरामा
यसरी जडकिएको छु कि
आफ्नो इच्छा र चाहनाले
मुक्ति पाउन नसक्ने भएको छु ।
त्यसैले,
विध्वंसकारी भुङ्ग्रोमा निरन्तर पिल्सिँदै
खरानी बन्दैछु म
केवल तिम्रो खुसीको लागि
अनि तिमी
उडाउ खरानी
खेल होली
आखिर तिमीले चाहेको पनि
त्यही त हो नि
मेरो खरानीको होली ।
नागार्जुन १०, स्युचाटार, काठमाडौँ