काँढा

कविता बिनोद खड्का November 23, 2008, 2:49 pm

---

मार्ने र मर्ने खेल

कहिल्यै सकिएन

शान्तीका कुरा गर्थे

कहिल्यै देखिएन।

सत्ताको गुलियोमा

सबै लठृ पर्ने

कहिले भित्र कहिले बाहिर

उनकै खेल चल्ने।

चक्का जाम र बन्दले

देश नै खाने भयो

आरोप र प्रत्यारोपले

कान नै टट्यायो।

मण्डले प्रवृत्ति

देशकै नासो भयो

आसेपासे पाल्ने चलन

मौलाउन थाल्यो।

निमुखा जनताका

दिन कहिल्यै आउला

सोचेका होईनन बिचराले

फेरी आतंक नै छाउला।

अब कसको भर पर्ने

कसलाई असल मान्ने

पलायन नै निर्णय

कहिल्यैसम्म चल्ने।

बाहिरतिर साधु हुन्छन

भित्र पुगे साँढा

यस्तै चले जनताले

फालिदिन्छन काँढा।

लेखकका अन्य रचना पढ्न यहाँ क्लिक गर्नुहोस ।