17 वर्षदेखि निरन्तर
समकालीन साहित्य
समकालीन साहित्य
जीवनको एकवर्ष आयू घटाउँने तिथिलाई
हामी जन्मदिन भनि ख़ुशीयाली मनाउँछौं
शुभकामना दिन्छौं
शुभकामनाहरु लिन्छौं
र बितिसकेको वर्ष भूलेर उत्सव मनाउँछौं
आफ्नो पुस्तक पट्याएर
पराई पुस्तकको पाना पल्टाउँछौं
र बलिरहेको मैनबत्ती फुकेर निभाइदिन्छौं
दीर्घायुको कामना गर्दै
मुलायम रसिलो केक काट्छौं
र जरामा विषालु केही मलखाद हाल्छौं
फेरी अर्को दिनबाट
तनबाट छुट्दै गैरहेका कोषहरु
घट्दा न्युरोनहरु सम्झँदै दिक्क मान्छौं
अब हामीलाई अझै मेहनत गर्नुछ
किनभने कपालको सेतो बढेको छ
र चेहराका चाउरी पनि लुकाउँनु जो छ
अरुले नपत्याए पनि
जन्मदिनपछि
उमेरका केही वर्ष पत्याउँने गरी ढाकछोप गर्नु पनि छ
जन्मदिनपछि
उमेरको रेखा छोट्टिंदै जान्छ
र चेहरामा तनावको रेखा लम्बिदै जान्छन्
जन्म
दिन
पछि !
ब्रिजबन, अष्ट्रेलिया