18 वर्षदेखि निरन्तर
समकालीन साहित्य
समकालीन साहित्य
मुटुभित्र मायालगायो कसैले
उहिल्यै मरेथ्यो जगायो कसैले !
अहो ! बज्र जस्तै कडा छातीमाथि
पगालेर आँसु बगायो कसैले
पटक्कै नडग्ने शिला झैँ बसेको
कठोर दुष्ट पत्थर डगायो कसैले
यसै खुम्चिएथ्यो व्यथा-वेदनाले
गरी जादु जम्मै भगायो कसैले !
उडेथ्यो नचिन्ने गरी रङ्ग दिलमा
बनाएर बुट्टा रँगायो कसैले
वितृष्णा, निराशा थिए जिन्दगीमा
हटाएर अमृत मगायो कसैले ।
(२०८१ जेठ ९ गते सिद्धिचरण स्मृति दिवस)
गुल्मी