17 वर्षदेखि निरन्तर
समकालीन साहित्य
समकालीन साहित्य
रातदिन
दिनरात
हाँसीरहेछ भैरवको मूर्ति
र
म
हाँसिरहेको छैन
पाइलाका डोब मेटिंदै गएको बाटो
विस्मृत गाउँ
छाना खसेका घरहरु कहाँ हाँसेका छन् र ?
अरुको सम्पन्नताको ओसेपमा दबिएको
विद्रुप दरिद्रता
कहाँ हाँस्न सकेको छ र ?
बल्दाबल्दै तेल सकिएर
निभ्न लागेको दीयो
कहाँ हाँस्न सकेको छ र ?
म अनिकाल पीडित मान्छे
मूर्ती हाँसीरहेछ भन्दैमा
कसरी हाँस्न सक्छु र ?