मानिसको पयर

कविता इश्वर वल्लभ October 24, 2008, 3:51 am

---

आकाश मात्रै नहेर

धरती पनि हेर्नुपर्छ

धरतीले मानिसलाई सारै माया गर्छ

जति नै तारा आकाशमा छन्

त्यति नै थोपा यहाँ पानी पर्छ,

त्यति नै बिरुवा यहाँ सर्छ

क्षितिज जतिजति टाढिंदै जान्छ

पाइला त्यति त्यति नै यहाँ सर्छ

कहीँ बत्ती बल्दै बल्दै जान्छ,

कहीँ बत्ती निभ्दै निभ्दै जान्छ

तर पयर मानिसको सर्दै सर्दै जान्छ ।

लेखकका अन्य रचना पढ्न यहाँ क्लिक गर्नुहोस ।