18 वर्षदेखि निरन्तर
समकालीन साहित्य
समकालीन साहित्य
उमेर छँदा धेरै कुरा गरिएको थियो,
उम्दा भनी छनोटमा परिएको थियो !
बूढ्यौलीमा घरिघरि याद आइराख्छन्,
आफूबाट जे जे कुरा हरिएको थियो !
पोखरीझैं जमिबस्दा प्रगति क्यै हुन्न,
नदीजस्तै बग्दै बेसी झरिएको थियो !
त्यतिबेला उनी मात्रै बस्थिन् मेरो दिलमा,
उनको लागि झण्डै झण्डै मरिएको थियो !
खनी खोस्री धरतीलाई खेतीयोग्य पार्दै,
‘प्रभात’ मै श्रमफल छरिएको थियो !
चितवन ।