गजल

गजल अनुभव आत्रेय July 13, 2017, 11:33 pm

---

आज फेरि मेरो टोपी खोल्न जोड़ गर्छन्‌ कोही!

चुपचाप मलाई देखी बोल्न जोड़ गर्छन्‌ कोही!!

एकछिन्‌ थकाइ मारेको हूँ रोकिने म कहाँ हो र?

भ्रममा पारी मेरो बाटो मोड्न जोड़ गर्छन्‌ कोही!!

मैले रोप्या सत्यताको फूल मर्ने कहाँ हो र?

झूटको खेती बारीभरि गोड्न जोड़ गर्छन्‌ कोही!!

मेरो आस्था लरतरको फितलो त कहाँ हो र?

फगत्‌ पहराको छाती तोड्न जोड़ गर्छन्‌ कोही!!

गर जे जति तिमी तर हार्ने म त कहाँ हो र?

सपनामै जीतको खाता खोल्न जोड़ गर्छन्‌ कोही!!

- राबङ्ला, दक्षिण सिक्किम

लेखकका अन्य रचना पढ्न यहाँ क्लिक गर्नुहोस ।