18 वर्षदेखि निरन्तर
समकालीन साहित्य
समकालीन साहित्य
मलाई रुने आँशु देऊ, घाऊ धुने आँशु देऊ ।
सम्झनाको चिताग्नी यो निभाउने आँशु देऊ ।
रातभरी जुनेलीले तिम्रै बाटो हेरीबस्यो
कुर्दाकुर्दै आँखा पोल्यो, शित्याउने आँशु देऊ ।
सुखी हुन संसारमा किन्न पाइने के के होला
तिम्रो दु:ख सँग दु:ख बिसाउने आँशु देऊ ।
हिमालसँग सागरलाई आँशुले नै जोडेको छ
मनसँग मन जोड्न मनाउने आँशु देऊ ।
नजानेरै वोली-वचन मिठो, पिरो, तिखो हुन्छ
माफि देउ, तिमीलाई रिझाउने आँशु देऊ ।