18 वर्षदेखि निरन्तर
समकालीन साहित्य
समकालीन साहित्य
राख्दै नाम अनाथको प्रगतिमा , भित्र्याउछन् 'नाथ' नै ।
दातालाई मिठा 'प्रपोजल' दिई , चम्काउछन् 'माथ ' नै ।।
नेता वा परिवारका जन टिपी , सम्पन्नका सन्तति ।
छान्यो पढ्न र बढ्न सम्गठनले , सामन्त कै सन्तति ।।
जो जो छन् असहाय वा अति दुखी , वास्ता नराखी कथा ।
नाथै नाथ मिलेर घोर रमिता , मच्चाउछन् सर्बदा ।।
कस्तो यो असमानता ? दिनदिनै , बढ्दैछ नेपालमा ।
मात्रै नाम अनाथको शिव हरे ! सेवा दिए नाथमा ।।
यै हो के गणतन्त्रको रस तितो ? नेपाल के भो नयाँ ?
जो छन् दीन दुखी सधैं पिछडिने ? अन्यायको चक्रमा ।।
सामन्ती छ विचार शोषक अझै , झन् पश्चगामी बढे ।
शब्दै मात्र नयाँ ? सजाउन गई , श्रिङ्गाल ब्वासा चढे ।।