18 वर्षदेखि निरन्तर
समकालीन साहित्य
समकालीन साहित्य
एफ्रोदाईतको
नग्न फोटो मुन्तिर
लागेको छ आगो ।
त्यो तातेको आनन्दस्थानमा छ
ठूल्ठूलो सास ।
पहाडको रंगहरु बिग्रिएको छ
वर्खा लागेको छ पोखरीमा ।
निभ्दै गैरहेको दुईटा जून छ
अनुहारको रातो आकाशमा ।
निद्रा होईन त्यो पीडा त्यो
सृष्टि कम्पन छ ।
निःशब्द ओठभिर
चर्को उठेको तिर्खा सल्केको छ ।
दुर्गन्धहरुको सुवास फैलिएको कोठामा
दौडिरहेको छ तरंग
बिजुलीको नांगा तार भएर ।
बत्ति जलेको छैन ।
भित्र ऊ / बाहिर म
ढोका खोलेको छैन ।
वारि तिर्खा
पारि पोखरी
पुल लागेको छैन ।
कालिम्पोङ, भारत