18 वर्षदेखि निरन्तर
समकालीन साहित्य
समकालीन साहित्य
चर्किएको ऐना हेर्दा आफ्नै हजार छाँया देखें ।
ऐना दिलको फेर्न खोज्दा त्याँहा तिम्रो माया देखें ।
बर्षौं पछि सम्झिँदा नि तिम्रो रूप सग्लो थियो
तिम्रै माया छातीभित्र अर्थोक भन्दा अग्लो थियो
आज फेरी तिमीलाई आफ्नै दाँया बाँया देखें
ऐना दिलको फेर्न खोज्दा त्याँहा तिम्रो माया देखें ।
झुल्के घामले सँधै मलाई उज्यालोको आश दियो
तर मुटु भित्र अझै अध्याँरोकै बास थियो
हरेक दिनसँगै मैले आशा नयाँ नयाँ देखें
ऐना दिलको फेर्न खोज्दा त्याँहा तिम्रै माया देखें ।