गजल

गजल सुविद गुरागाईं April 2, 2016, 3:06 am

---

छिनमै लहर उठेर आउंछ छिनमै शान्त हुन्छ ।

छिनमै मुटु दुखेर आउंछ छिनमै शान्त हुन्छ ।

कि लगिदेउ किनार पारि कि दोडिदेऊ एक्लै वारि,

छिनमै बाढी उर्लेर आउंछ छिनमै शान्त हुन्छ ।

के गरुं हो कसो गरुं ! दोधार भो जिन्दगीमा,

छिनमै छाती चर्केर आउंछ छिनमै शान्त हुन्छ ।

रुझ्न पनि पाइएन लौ ! मनै भिज्ने गरी,

छिनमै पानी दर्केर आउंछ छिनमै शान्त हुन्छ ।

लेखकका अन्य रचना पढ्न यहाँ क्लिक गर्नुहोस ।