18 वर्षदेखि निरन्तर
समकालीन साहित्य
समकालीन साहित्य
देश लुट्नेहरु लुटीरहेछन् अझै
जनता भुट्नेहरु भुटीरहेछन् अझै
शक्ति-बरदान दिने मतदातालाई नै
उल्टै नङ्ग्याएर चुटीरहेछन् अझै
कहिले ब्यारेक कहिले शिविर भित्र
ज्यानै लिने गरी कुटीरहेछन् अझै
राष्ट्रपति, प्रधानमंत्री बन्ने अहंकारले
कुकुर बिराला झैँ फुटीरहेछन् अझै
दरबार खाली गराउने र जोगाउने फौज
मल्ल युद्ध लड्न जुटीरहेछन् अझै
यत्रो संविधान कोर्ने खुशीयालीमा पनि
दु:खी मनहरु टुटी रहेछन् अझै
जताततै टायर र पुत्ला जलेपनि
शान्तिका दियोहरु छुटीरहेछन् अझै
लस् एन्जेलस्