प्रस्थान

कविता डा. मधु माधुर्य April 12, 2014, 4:10 am

---

सृजनाको शृंखला न हो

अन्त्य गर्दै युगको -

धमिलो आहाल - साम्राज्य

शुरु हुन्छ -

मेरो कविता !

र थाम्न नसकी

छातिबाट फुत्किने छ

एउटै साझा / उन्मुक्त आवाज -

"यो मेरो स्वास-प्रस्वास हो !"

याद छ तिमीलाई ?

एकान्तमा आनन्दले झाम्म छोपेको !

त्यो कविताको निशव्द स्पर्श थियो .....

अर्थात

प्रेमको पर्याय / विम्व थियो -

मेरो कविता !

आज मान्यताहरुको हाटबजारमा -

जीवनको विकल्प बन्नु परिरहेछ

मेरो कविता ....!!!

लेखकका अन्य रचना पढ्न यहाँ क्लिक गर्नुहोस ।