गजल

गजल सञ्जय जुग्जाली July 7, 2013, 1:59 am

---

प्रेम र विश्वासको फूल फुलाउ मान्छे

श्रद्धाले अलिकति शिर झुकाउ मान्छे

एकले अर्कोलाई मार्न, पछार्न उद्धत छ

बरु हिम्मत तिम्रो छ भने बचाउ मान्छे

खानु नपाएर मर्छन् त कोई धेरै खाएर

भागको एक गाँस काटेर खुवाउ मान्छे

कृतघ््न, धोकेबाज, बैमानी, बैगुनी

गुणको बद्ला गुण दिई चुकाउ मान्छे

कसैको छैन यहाँ अजर अमर जिन्दगी

खाली आयौ त खाली हात जाउ मान्छे

बुझाउँदा न बुझ्छौ, न सुनाउँदा सुन्छौ

आखिर के चाहन्छौ तिमी बताउ मान्छे

बिम-२, म्याग्दी

लेखकका अन्य रचना पढ्न यहाँ क्लिक गर्नुहोस ।