गजल

गजल भेषराज रिजाल May 4, 2013, 4:46 pm

---

मैले नसक्ने भएँ तिम्रो मनमा छुरा रहेछ

मैले नसक्ने भएँ तिम्रो त चर्को कुरा रहेछ

विश्वासले जिते संसार जितिन्छ भन्थेँ

मैले नसक्ने भएँ तिम्रो त ताल बेसुरा रहेछ

तिम्रो साथ खोज्दै दूरबाट धाएर आएँ

मैले नसक्ने भएँ तिम्रो त साथी सुरा रहेछ

मङ्सीर आए प्रणयसूत्रमा बाँधिउँला भन्थेँ

मैले नसक्ने भएँ तिमीसँग त अर्कैको चुरा रहेछ

लेखकका अन्य रचना पढ्न यहाँ क्लिक गर्नुहोस ।