18 वर्षदेखि निरन्तर
समकालीन साहित्य
समकालीन साहित्य
डुबे डुब्ला सँगै नाउँ, तरौँ अब बैशाखमा
पार लाए लाउँछ जिन्दगी, झरौँ अब बैशाखमा ।
पालुवा फेर्छ जिन्दगीले, चैत काटेसी सुरु हुँदा
एक–अर्काको लागी दुवै, मरौँ अब बैशाखमा ।
पोरको पुषले कठाङ्ग्रीयौ, अहिले झनै गाह्रो भयो
जे होस् सँगै हुने सुरसार, गरौँ अब बैशाखमा ।
थाम्नु धर्ती आकाशसिँगै, आभास होला रँगिन बन्ने
खर हो भन्दै पालिनराख, चरौँ अब बैशाखमा ।
श्यामश्वयेत भाछ एक्लै, सकिँदैन पर्खिन झन
सिँगार्नलाई एकछेउबाट रङ, भरौँ अब बैशाखमा ।
नारायणस्थान ७ बलेवा बागलुङ