18 वर्षदेखि निरन्तर
समकालीन साहित्य
समकालीन साहित्य
बाँच्नु मात्र पर्छ यहाँ कस्ता-कस्ता मान्छे भेटिन्छन्
आलु प्याज भन्दा पनि सस्ता-सस्ता मान्छे भेटिन्छन्
न त आफै गरि खाने न कसैको कुरो नै सुन्ने
अप्ठेरोमा फलेका ती फर्सी जस्ता मान्छे भेटिन्छन्
जालीझेली फटाहाको मात्र रहेछ कि दुनिया
नत्र किन जतासुकै यस्ता-यस्ता मान्छे भेटिन्छन्
छेपारोको रङ्गसरि घरीघरी बद्ली रहने
सिधा साधा भन्दा धेरै त्यस्ता-त्यस्ता मान्छे भेटिन्छन्