गजल

गजल विद्याप्रसाद घिमिरे March 13, 2012, 6:23 am

---

ती कोमल अङ्गमा सुगन्ध बनूँ म

अँगालो बन्धनमा अनुबन्ध बनूँ म ।

गीत र गजलको सरगम बनूँ कि

कविताका शृङ्गार छन्द बनूँ म ।

सुकुमारी मनकी मनमोहनीलाई

मदहोस नयनमा बन्द गरूँ म ।

प्राण प्यारो भन्दै आँखा तर्नेको

अन्तरङ्ग बिथोल्ने द्वन्द्व बनूँ म ।

होसमा म छैन तिमी बेहोस छ्यौ

यो प्रेम–मदिरा केही मन्द गरूँ म ।

लेखकका अन्य रचना पढ्न यहाँ क्लिक गर्नुहोस ।