18 वर्षदेखि निरन्तर
समकालीन साहित्य
समकालीन साहित्य
झरी जति परे पनि, सूर्य कहाँ गल्या छ र!
शीत भार थामि दिने, बृक्ष कहाँ ढल्या छ र!
सँगै चल्न नजानेर, दोष दिन्छौ समयलाई!
सुई हेर घडीको त्यो, उल्टो कहाँ चल्या छ र!
तारा झार्ने मोती टिप्ने, कुरा गर्छौ सपनाको,
सागरमा लुक्ने मोती, रुखमा कहाँ फल्या छ र!
कस्ले सक्छ फेर्न यहाँ, प्रकृतीका नीति नियम,
जति झोस पानी भित्र, आगो कहाँ बल्या छ र!
जस्ले राम्रो कर्म गर्छ, चिरन्जिबी हुन्छ उही,
मरे पनि लाश सँगै, नाम कहाँ जल्या छ र!
बक्लौरी-४ सुनसरी, हाल: कतार शेल,कतार