गीत

गीत रोहन चर्मकार समिप July 24, 2011, 2:48 pm

---

फाटेछ जीवन सिउँदैछु साथी

भन्दिनु उसलाई जिउँदैछु साथी

सौगात तिम्रो जुनिभरिको

आँशुको धारा पिउँदैछु साथी ।

खोजेर हिँडे हत्केला भरी

भावीले भाग्य निधारमा केर्यो

छाएन कहिल्यै हरियाली तर

जीवनले आज काँचुली फेर्यो ।

बिक्षिप्त छाती सिउँदैछु साथी

आँशुका धारा पिउँदै छु साथी ।

रित्तियो हाँगा झरेसी थुँगा

ओइलिएर बाँच्न गार्हो भो कठै

मन्दिरमा हेर पुजिन्छ त्यही

सबैले पुज्ने अबुझ ढुङ्गा ।

पल पल मर्दै जिउँदै छु साथी

नुनिलो आसुँ पिउँदैछु साथी ।

कसैको यादमा जिउँदै छु साथी

आँशुको धारा पिउँदै छु साथी

सोधीछ भने भन्दिनु उसलाई

फाटेको जीवन सिउँदैछु साथी ।

संखुवासभा ११

लेखकका अन्य रचना पढ्न यहाँ क्लिक गर्नुहोस ।