गजल

गजल यात्री शेखर June 24, 2011, 3:24 pm

---

मैले आकाश खसाउनुछ र त गजल लेख्छु ।

यो बतास बसाउनुछ र त गजल लेख्छु ।

घाम जुन रातदिन गर्दै किन लुकामारी खैल्छन् ?

दुवैलाई फसाउनुछ र त गजल लेख्छु ।

देख्छु आजकाल मानवियता टुक्रदै गएको छ,

संवेदना पसाउनुछ र त गजल लेख्छु ।

अरु हैन आफैबाट सकिदैछ मान्छे यहाँ,

विकृती भसाउनुछ र त गजल लेख्छु ।

आ आफ्नै चोटब्यथा दुःखी रा’छ हरेक मान्छे,

सबैलाई हसाउनुछ र त गजल लेख्छु ।

टकुवा ७ मोरंग, हाल: इटहरी, सुनसरी

लेखकका अन्य रचना पढ्न यहाँ क्लिक गर्नुहोस ।