गजल

गजल कपिल अन्जान June 10, 2011, 3:21 pm

---

बगेको खोला फर्किन कहाँ सक्छ

समयले कसैलाई पर्खिन कहाँ सक्छ

तिमी फगत बाँडी रहेछौ उपदेश

भिखारीले उपदेश लिन कहाँ सक्छ

अन्धोलाई व्यर्थै हत्कडी लगाइदैछ

ऊ त्यसै पनि दौडिन कहाँ सक्छ

प्रयासको नाममा त्यो अभ्यास हुनेछ

पत्थर हो पत्थर पग्लिन कहाँ सक्छ

यो तुफान भन्दा तेज दौडिएको छ

जो रोकेर पनि रोकिन कहाँ सक्छ

रेडियो कोहलपुर एफ.एम. बाँके

लेखकका अन्य रचना पढ्न यहाँ क्लिक गर्नुहोस ।