गजल

गजल प्रदीप चापागाईं May 26, 2011, 3:41 pm

---

तोडिदेउ मौनता त्यो जमाना बोल्नेको छ,

क्षितीज पारी सम्म सिमाना बोल्नेको छ । ।

दृश्य यी यस्तै नै हुन् रंग जो बदलिने,

हेरेरै हुन्न केही निशाना बोल्नेको छ । ।

नाता र गोता अनि छिमेक भनी बस्छौ,

स्वार्थी हुन् छाडिदेउ खजाना बोल्नेको छ । ।

समय सखाप होला दुई हात फैलाएर,

पिठो जो बिक्ने यहाँ किराना बोल्नेको छ । ।

पलाउला अग्राख भनी रात त्यो कुर्न छोड,

सुसंगत गर्छौ भने ठेगाना बोल्नेको छ । ।

लेखकका अन्य रचना पढ्न यहाँ क्लिक गर्नुहोस ।