गजल

गजल राजेन्द्र मल्ल April 11, 2011, 2:48 pm

---

ज्योतिषीले चिना हेर्दा दशा साढे सात थियो ।

तिम्रै घर पाईला चालें जवानीको मात थियो ॥

पूजा भन्थ्यौ तिम्रो घराँ फेरि किन खाली? सोधें।

के सुनें खै मैले कानमा नशा लाग्ने बात थियो ॥

भोक मिठो भोजन भन्दा प्यास मिठो किन झन् ।

तिम्ले देह कब्जा गर्दा जुनकिरीको रात थियो ॥

फूल सम्झि चुमें मैले बेहोशीमै कता कता ।

भाले बास्यो ब्युँझि हेर्दा छातीमाथि लात थियो ॥

कस्ले देख्छ? प्राण भित्र राहुकेतु लुकेको छ ।

आँखा चिम्ली सहि गरें त्यही तिम्रो घात थियो ॥

लेखकका अन्य रचना पढ्न यहाँ क्लिक गर्नुहोस ।