18 वर्षदेखि निरन्तर
समकालीन साहित्य
समकालीन साहित्य
रानी बनमा सँसँगै गाई चराएको गजल यो
काफल गेडी टिपेर भुँडी भराएको गजल यो
एकसुरले गट्टा गुट्टी हामी खेल्ने क्रममा
माली गाई र तारी गाई हराएको गजल यो
मुखीयाको बारीमा गाईले स्वात्तै बाली खाँदा
बाबाहरु मिलेर कराउनु कराएको गजल यो
ठुलो ठुलो स्वर गर्दै, हामी दुईलाई हकार्दा
थुर् थुर् काँपी तिमी म डराएको गजल यो
हकारेर मात्र त्यसै, कहाँ छाड्थे बाउहरुले?
कानमा समाई उठीबस् गराएको गजल यो