18 वर्षदेखि निरन्तर
समकालीन साहित्य
समकालीन साहित्य
कस्तो बगरसरह सुनसान देख्छु
मात्र पत्थर छ खै भगवान् देख्छु ।
नाम जपेर खाने भए बदनाम
भ्रष्ट, पदलोलुप मात्र महान् देख्छु ।
साह्रै पर्यो विचारको खडेरी यहाँ
ठूलै स्वरको मात्र यशगान देख्छु ।
अरुलाई तनाई आफू चढ्नेलाई
भोलिको नेपालको दरवान देख्छु ।
पसिनाको मूल्य खोज्दाखोज्दै म त
माथि होस् या तलको एक समान देख्छु ।
तपेश्वरी–१, गल्फडिया, उदयपुर