18 वर्षदेखि निरन्तर
समकालीन साहित्य
समकालीन साहित्य
औसीको निस्पट्ट अध्यारो,
पुर्णिमाको झलमल्ल उज्यालो ,
कन्चन शीतमा रुझेको, पसिनामा निथ्रुक्क भिजेको,
जे होस् जस्तो होस्
तिमी र म बीच
न्यानोपनको महसुस गर्न
रात चिसो हुनै पर्छ ।
नि:शब्द शान्त मौनता,
शुन्यता छाएको सन्नाटा ,
लाटोकोसेरोको कोलाहल होस् या
झ्याउकिरिको सङ्गीत
तिमी र म बीच
निश्वास र धड्कनको गुन्जन सुन्न
रात एक्लो हुनै पर्छ ।
जुनकिरीको पिल पिल
ताराहरुको चम चम
जुनको उज्यालो होस या
बत्तीको झलमल्ल,
यी सबको आँखा छल्दै
अध्यारोको खास्टो ओडेर भए पनि
तिमी र म बीच
प्रेमको उज्यालो साटासाट गर्न
रात अँधेरो हुनै पर्छ ।
अधेरीमा चीसिएर,
एक्लै नितान्त एक्लै,
कुहिरोमा धर्मराएको होस या
तुवालो भित्र लरखराएको होस
तिमी र म बीच
बिश्वासको दह्रो घर बनाउन
रात लुलो हुनै पर्छ ।
अमेरिका