गजल

गजल कपिल अन्जान December 22, 2010, 8:27 pm

---

बगेको खोला फर्किन्न भन्थे

फर्किए के होला फर्किन्न भन्थे

मैले कतै यो सुनेको थिएँ

मान्छेको चोला फर्किन्न भन्थे

बरु हावालाई मोड्न सकिन्छ

हिर्काएको लोला फर्किन्न भन्थे

आफ्नालाई रुवाएर पठाएको छ

कतिन्जेल नरोला फर्किन्न भन्थे

जिन्दगी के हो ऊ भन्दै थियो रे !

आउँदैन नबोला फर्किन्न भन्थे

कोहलपुर–२, बाँके

लेखकका अन्य रचना पढ्न यहाँ क्लिक गर्नुहोस ।