18 वर्षदेखि निरन्तर
समकालीन साहित्य
समकालीन साहित्य
गणतन्त्र कतै लुक्यो भन्दैछन् मान्छेहरु
बलिदानीको शिर झुक्यो भन्दैछन् मान्छेहरु ।
राहतका मूलहरु चारैतिर टालिएर
गरिबको घॉंटी सुक्यो भन्दैछन् मान्छेहरु ।
पौरखको परिभाषा हत्केलामा हराउदा
स्वाभिमानी मन दुख्यो भन्दैछन् मान्छेहरु ।
जब–जब बोल्छन् परजीवी ब्वॉंसाहरु
दानवले फेरि भुक्यो भन्दैछन् मान्छेहरु ।
आपसमा सहमति गुरॉंसझै नफक्रेर
नेपालको भाग्य चुक्यो भन्दैछन् मान्छेहरु ।