18 वर्षदेखि निरन्तर
समकालीन साहित्य
समकालीन साहित्य
गरीवीले दुःख पा'को, नलजाई गजल लेखेँ !
गुन्द्रुकसँग ढिँडो खा'को, नलजाई गजल लेखेँ !!
राम्रो लाउन गरीवलाई, आउनै पर्ने दशैं !
टालीटाली लुगा ला'को, नलजाई गजल लेखेँ !!
आधापेटमै रमाउने, मुस्किल कस्तो छाक टार्न !
छिमेकीको पर्म गा'को, नलजाई गजल लेखेँ !!
वर्षामास रातैभरि, ओत लाग्न कति गाह्रो !
घरको छाना खरले छा'को, नलजाई गजल लेखेँ !!
कहाँ पाउनु धानखेत, पाखोबारी नाम मात्रको !
जोत्नलाई गोरु दा'को नलजाई गजल लेखेँ !!
कहिले घाँस कहिले दाउरा, मेलापात कतिकति !
भोकभोकै जंगल धा'को, नलजाई गजल लेखेँ !!
ठूलो मान्छे बनाउने, रहर कत्रो बाआमाको !
कमाउन सहर आ'को, नलजाई गजल लेखेँ !!