गजल

गजल सबिन सिंह September 23, 2010, 7:46 pm

---

पिडा भए गजल लेख, दुख परे गजल लेख ।

खुशीहरू मनबाट, पर सरे गजल लेख ।।

निर सागर जोर मार्छ कोशिश गरी सम्हाल्नु है ।

छल्किएर आखाँ बाट तल झरे गजल लेख ।।

यौवनको आँगनीमा सुख खोज्दै भौंतारिन्छौ

त्यै दैलोमा कुर्दा कुर्दै खुशी मरे गजल लेख ।।

आँखा भरी सजाउँछौ स्वप्न मिठो भविष्यको ।

विपनीमा यथार्थले आँखा तरे गजल लेख ।।

लेखनीमा भाव कुँद्ने हुदोँ रैछ रहर सबको

मनले नै हातलाई बाध्य गरे गजल लेख ।।

कपिलवस्तु

लेखकका अन्य रचना पढ्न यहाँ क्लिक गर्नुहोस ।