18 वर्षदेखि निरन्तर
समकालीन साहित्य
समकालीन साहित्य
आफू ताकी आकाशतिर थुक्न चाहिन ।
माफ गर तिम्रो अघि झुक्न चाहिन ।
तिम्रो आदेश आए पनि चुपै रहें म
बिस्कुन जस्तै सुकाउँदा सुक्न चाहिन ।
तिम्रै भरोसामा मलाई बाँचोस् भन्या'थ्यौ
तिम्रो सिकुवामा गाँस ढुक्न चाहिन ।
धन दौलत सबै दिई किन्न खोज्दा नि
आफ्नो स्वाभिमानबाट चुक्न चाहिन ।
खुट्टा ताने तिम्रा आसेपासेहरुले
तिनले जस्तै तिम्रो कान फुक्न चाहिन ।
तिम्रो इशारामा नाच्ने पशु हैन म
भुक भन्दा कुकुर जस्तै भुक्न चाहिन ।