18 वर्षदेखि निरन्तर
समकालीन साहित्य
समकालीन साहित्य
यता टाले उता चुहिन्छ गरीबका छाना बैरी
जति भरियो रित्ती रहेने दुखियाका माना बैरी ।
बर्षात सँगै रुज्दै हिउँद सँगै खिए पनि
रत्ती भर पाप छैन दुखी जिबन जिए पनि
आँधीसँगै पल्टिदिने जिन्दगीका पाना बैरी
जति भरियो रित्ती रहेने दुखियाका माना बैरी ।
निधारका पसिनाले माटो सिंचित गरे पनि
हाँसी खुशी सहिदिन्छन् जति दु:ख परे पनि
समाजका उपनाम गरीबका साना बैरी
जति भरियो रित्ती रहेने दुखियाका माना बैरी ।
संखुवासभा ११, रातमाटे