गजल

गजल बोध राज पन्त ‘अनागत’ August 23, 2010, 9:19 pm

---

जता जता हावा बह्यो उता उता बहिदिएँ

आफ्नैले हो लगाएको घाउ पनि सहिदिएँ ।

तँ त मरिस् भने सबै सोधिन म आफूलाई

सजाएको चिता थियो लुरुलुरु गईदिएँ ।

कसैलाई बनाउन आफ्नो यत्न गरिरहें

सकिएन जब आफै उसैको म भईदिएँ ।

परिएछ गणितीय जिन्दगीको भुमरीमा

शून्यबाट शून्य घट्यो शून्यमात्रै रहिदिएँ ।

मणिग्राम, रुपन्देही

लेखकका अन्य रचना पढ्न यहाँ क्लिक गर्नुहोस ।