गजल

गजल बोध राज पन्त ‘अनागत’ August 12, 2010, 9:49 pm

---

बर्षातमा ओत लाग्ने छाता पाइएन

खाली किताब छाप्नुपर्ने गाता पाइएन ।

घर चुह्यो खरले छाएँ मन फेरि चुहेको छ

यसलाई छाउने कतै जस्तापाता पाइएन ।

कति संग साटियो मन लेखाजोखा राख्नुपर्ने

खोजें कति बजारमा खाता पाइएन ।

ख्बै के दिउँ तिमीलाई जति थियो दिइसकें

आफूलाई दिने कुनै दाता पाइएन ।

मन बोल्यो, आँंखा बोले, जिब्रो बोल्न खोजेको छ

के भनेर बोलाउँ खै नाता पाइएन ।

मणिग्राम, रुपन्देही

लेखकका अन्य रचना पढ्न यहाँ क्लिक गर्नुहोस ।