गजल

गजल बोध राज पन्त ‘अनागत’ July 20, 2010, 7:20 pm

---

प्युँनलाई मात पनि पैसा चाहिन्छ

अचेल फाल्न जात पनि पैसा चाहिन्छ ।

साथी संगी धेरै होलान् थाहा छ कि छैन

मिलाउन हात पनि पैसा चाहिन्छ ।

हाबासँग सोधें मैले अचेल किन रिसाएको

हल्लाउन पात पनि पैसा चाहिन्छ ।

हाँस तिमी, उनी भन्छिन् मेरो हाँसो सस्तो छैन

देखाउन दाँत पनि पैसा चाहिन्छ ।

ज्युँनू गाह्रो भन्छन् सबै मर्नलाई लगाउन

छाती भित्र घात पनि पैसा चाहिन्छ ।

कल्पनाको घडेरीमा सपनाको छानो छाई

बिताउन रात पनि पैसा चाहिन्छ ।

भन्साघरमा श्रीमतिले आँखा तर्दा थाहा पाएँ

अब खान भात पनि पैसा चाहिन्छ ।

मणिग्राम, रुपन्देही

लेखकका अन्य रचना पढ्न यहाँ क्लिक गर्नुहोस ।