18 वर्षदेखि निरन्तर
समकालीन साहित्य
समकालीन साहित्य
कल्पनामै उड़िदिदा आफ्नो आधार भुलिदिएँ ।
तिमी साथ भईदियौ सारा सँसार भुलिदिएँ ॥
फूल फुल्यो तुषारोमा, शीत झर्यो बसन्तमा।
मन त्यसै हाँसी दियो बन्जर बहार भुलिदिएँ॥
परेलीको बाँध टुट्यो, कोमल मन काँच हुदाँ ।
तिम्रा हातले आँसु पुछ्यौ भदौ असार भुलिदिएँ ॥
वैरी भए आफ्नाहरू, तिमीलाई आफ्नो मान्दा ।
माया पाएँ यति धेरै, घ्रिणा अपार भुलिदिएँ॥
हराएको "सबिन"को खोजी हुन्छ आजभोली ।
विलिन छु तिमी भित्र आफ्नो आकार भुलिदिएँ ॥
कपिलवस्तु