18 वर्षदेखि निरन्तर
समकालीन साहित्य
समकालीन साहित्य
आँखा भरी आँशु देखाई देखा परेको मेरो रोल्पा ।
दाजुभाइको युद्धलाई हेर्ने गरेको मेरो रोल्पा ।
तन्नेरी त बेपत्ता छन् बृद्ध आमा बाबा मात्रै,
आफ्नै मान्छे देखि, पछि सरेको मेरो रोल्पा ।
गाउँबस्ती त खाली छन् खेतिबारी उजाड,
हत्या-हिंसा नसही जिउदै मरेको मेरो रोल्पा ।
पवित्र ति जलजला शान्ती खोजी रोइरहेछ,
अशान्ति नसही एकातिर हरेको मेरो रोल्पा ।
कति आमा सन्तानबिहिन कति दिदी बिधुवा,
दाजुभाइको रगतले खरेको मेरो रोल्पा ।
बृद्ध ति बाबा आमा शान्ति खोजी रोइरहेछन्,
हत्या र हिंसाको बिउ छरेको मेरो रोल्पा ।
गैरीगाउँ-८ रोल्पा