गजल

गजल जे. आर."आभास" May 20, 2010, 7:52 pm

---

झुपडीका अँधेरी रात चिर्ने जुन बन तिमी

गरीबका भाषा बोल्ने सारंगी धुन बन तिमी

पलपल आफ्नो छाक अलिनो खानेका निम्ति

निमुखाको सरिर तंग्रयाउने नुन बन तिमी

दिन रात नभनी पसिना बगाउनेका लागि

तिनकै रोमरोममा सल्बलाउने खुन बन तिमी

अहंकार देखाउन सामन्तीले भिर्ने गहना होइन

एक मुठी अन्न किन्न सक्ने सुन बन तिमी

रसायन शास्त्र केन्द्रीय बिभाग

कीर्तिपुर, काठमाडौँ

लेखकका अन्य रचना पढ्न यहाँ क्लिक गर्नुहोस ।