गजल

गजल सबिन सिंह May 13, 2010, 7:29 pm

---

तिम्रो रूप सजाउने कालो गाँजल भैदिन्छु म

आँखा लाग्ला तिमीलाई ढाक्ने आँचल भैदिन्छु म

पाईला तिम्रो चल्दा खेरी प्रकृति नि झुम्छ सँगै

चालमा तिम्रो ताल मिलाई बज्ने पायल भैदिन्छु म

रूप तिम्रो देखेपछि जलि मर्ला सूर्य पनि

ढुक्कसँग हिँड्नु तिमी छेक्ने बादल भैदिन्छु म

साथ तिम्रो हुनेछु म जता तिमी लागे पनि

सही गलत थाहा छैन मूर्ख पागल भैदिन्छु म

गहभित्र सागर छ छेक्न गाह्रो पर्ला कतै

परेलीको डिल्मा बसी रोक्ने गाजल भैदिन्छु म

दु:ख सबै लिन्छु आँफै सुख जति तिमीलाई,

तिमी खुशी भई नाच बज्ने मादल् भैदिन्छु म

कपिलवस्तु

लेखकका अन्य रचना पढ्न यहाँ क्लिक गर्नुहोस ।