18 वर्षदेखि निरन्तर
समकालीन साहित्य
समकालीन साहित्य
आँखा खुलेपछि पो तिम्रो रङ्ग देखेँ
देश चलाउने अनौठो यो ढङ्ग देखेँ ।
मुखले राम राम बोल्छौ,कति मीठो !
जे भन तिम्लाई हतियार सङ्ग देखेँ ।
हाड बिनाको जीब्रो, शान्ति पुकार्छौ ?
तिम्रो जुङ्गामा बर्वादीको जङ्ग देखेँ ।
पापा चीची माग्छौ, खै कल्ले दिने ?
भुराभुरी झैँ गर्छौ तिम्रो तङ्ग देखेँ ।
गोरु नब्याउने रैछ, पक्का भो अब
तिम्रै श्रृखलाको पनि क्रम भङ्ग देखेँ ।
रुँघा – ७ , रुकुम, हालः काठमाण्डौ