गजल

गजल शिव मिश्र April 27, 2010, 8:59 pm

---

जवानीमा मलाई ज्यूँदै मारेको छ रुपैंयाले

हासो खुसी बिना एक्लो पारेको छ रुपैंयाले।।

अभावको डढेलोले मनै ध्वस्त पारे पनि

भोलि भोलि भोलि भन्दै टारेको छ रुपैंयाले।।

आफू थिए बेला थियो उही जोश अघि बढ्दै

धेरै माथि पुग्थें होला झारेको छ रुपैंयाले।।

साथी भाइ काँडा भए नाता गोता टाढा भए

बाँकी माया पनि पर सारेको छ रुपैंयाले ।।

कति रात रोएँ कति सोचें कति कति गरेँ

तै नि जिन्दगीमा शिव हारेको छ रुपैंयाले ।।

लेखकका अन्य रचना पढ्न यहाँ क्लिक गर्नुहोस ।