18 वर्षदेखि निरन्तर
समकालीन साहित्य
समकालीन साहित्य
खसाउँदा पीडा घट्छ जहर हुन् कि आँशूहरु
बसाउँदा माया बढ्छ रहर हुन् कि आँशूहरु ।
तिमी साच्चै कसैलाई माया गर्छौ र त्यो गयो
जति रुन्छौ उति माया घटाउँछन् आँशुहरु ।
तिमी साच्चै कसैलाई माया गर्छौ र त्यो गयो
जति रोक्छौ उति माया बढाउँछन् आँशुहरु ।
पाउनेले हाँस्यो झर्यो, नपाउने रोयो झर्यो
दुबै ध्रुव जीन्दगीका समेटिन्छन् आँशुहरु ।
आँखा ढाक्ने परेलीका बाँध फोरी तलतिर
किन झर्छन् थोपा थोपा आँखा बाट आँशुहरु ।
मणिग्राम, रुपन्देही, हालः धारापोरी, हुम्ला