18 वर्षदेखि निरन्तर
समकालीन साहित्य
समकालीन साहित्य
देशलाई हँसाएर, आफूपनि हाँस्नु राम्रो ।
पराइको हात छोडी,आफ्नै भरमा बाँच्नु राम्रो।
एकै मूलको पानी बग्दा, कालो, सेतो भन्ने कहाँ?
एकै छतमा मिलेमतो, एउटै माला गाँस्नु राम्रो ।
मेची दुख्दा काली गइ, मल्हम पट्टी लगाउँदै
हिमाल,पहाड,तराई मिली,एकै गाडी हाँक्नु राम्रो ।
भाइ फूटे गवार लुटे, भन्ने गर्थे बुढापाका ।
गोर्खालीको वीर गाथा, सधैँ अमर राख्नु राम्रो ।
हात काटे उस्तै रगत, चार वर्ण छत्तीसको
ठूलोसानो,जातीपाती, भन्ने रोग मास्नु राम्रो ।