गजल

गजल भूपेन्द्र नीराजन March 13, 2010, 9:54 pm

---

फगत शंका गर्न थाल्यौ, चित्त दुख्यो ।

नसोधी डेरा सर्न थाल्यौ, चित्त दुख्यो ॥

थुम्कामा पर्खाएर दिनभर मलाई ।

आफू वेशी झर्न थाल्यौ, चित्त दुख्यो ॥

दिलै खोलेर देखाएँ मैले पत्याईनौ ।

अरुकै भर पर्न थाल्यौ, चित्त दुख्यो ॥

सधैँ हात समाती तर्ने खोला अचेल ।

डुङ्गा चढेर तर्न थाल्यौ, चित्त दुख्यो ॥

बुढानिलकण्ठ, काठमाडौँ

लेखकका अन्य रचना पढ्न यहाँ क्लिक गर्नुहोस ।