गीत

गीत श्याम लामा March 12, 2010, 9:03 pm

---

जिन्दगीका सुखहरु हाँस्नै जानिनछु

खुशीहरु बटुलेर नाँच्नै जानिनछु

भत्किएको बनाउनु र सखार्नु मै जुटिरहे

कतै जोड्थे अरुलाई सधैं आँफै टुटीरहें

त्यसै बित्यो जवानी साच्नै जानिनछु

खुशीहरु बटुलेर नाच्नै जानिनछु

वनपाखा गुन्जने गीत नरचेको कहाँ हो र

रोदी घरमा मादलहरु नबजेको कहाँ हो र

लैबरीमा कम्मरहरु भाँच्नै जानिनछु

खुशीहरु बटुलेर नाच्नै जानिनछु

अझै जीवन आधै छ पुरा कहिले हुने हो

मैले देख्ने सपनाले शिखर कहिले छुने हो

डाँडामाथि भइसकेछु बाँच्नै जानिनछु

खुशीहरु बटुलेर नाँच्नै जानिनछु

लेखकका अन्य रचना पढ्न यहाँ क्लिक गर्नुहोस ।